“L’URA DE PARTÌRA? OMAGGIO A SOVERATO
(Versi e musica di Francesco Frustagli)

Amìcu chi venìsti de luntànu
a visitàra ’stu bellu paìsi
mo c’arrivàu l’ura de partìra
ti vena na randa malincunìa
e penzi aru golfu de Squillàci
a chidda praia cu la rina janca
e a ri barchi de li piscatùri
chi su’ pittàti de milli culùri.
E senti ancòra a vuci de figghjòli
chi gìrinu nte strati a tutti l’uri,
ed è na vuci chi ti vola dira
ca Suvaràtu è comu lu mara:
è sempa allègru e non po’ mbecchjàra,
perciò chiddu chi vena a ’su paìsi
bisògnu ’on ava d’oru né d’argèntu:
li basta pocu pemmu m’è cuntèntu.